๑مجموعة شتاوات وغناوي علم๑

السلام عليكم

هدي مجموعة شتاوات وغناوي علم ان شاء الله تنال اعجابكم

جاني علم او نا ناسيهم ... دارت يوم العين عليهم
منهده لولاف عليهم ...غير علي طاري طاريهم
الي متلايم و المنهد ...فواهق عندي مالحد
كبار النار شكيناله ...قال عليك اعطاب دلاله
خلي النار علي مهلها...تاكل كبدي نستاهلها
مكابر نيران مراهين ...انخطي نوطاهن يا عين
زازيت بنارك يا غالي...مابا يفزعلي لا والي
لذعة مرهون نوارينا ... ما ملي ولاتا فينا
غالي دار غلا من يالا ... لليوم ايجرم في حاله
تبقي عندي حد الغايه ...لو المنسي ايتهايا
ان كان خطر عداد اللوم ...تباكن ماعد ساعه نوم
يا لولاف انخاطا فيكم ...مني عد كي قبل انجيكم
تنويحك يا عين ايضرك ...ع المرهون ابكي في سرك
بعد خلوك المرهونين ...احملتي في روحك يا عين
يا جياب نبا فرقاهم ... ياريتك عديت امعاهم
تسوتيهت لوهام علي...مرض لكن ما يقتل شي
ننشد في فسار منامي ...قال ابكي مافي قسامي
شكيت التقاز او براج ...عللي في قسمي نعواج
ننشد في جياب فتاوي ...ال انظرهم في اي جلاوي
كان ابكاك ايداوي عقلي ... ليل نهر عليه ادقلي
ملي داروها في الخاطر ...ديما يا عقلي تساطر