شتاوات وغناوي علم ع القديم

1: تصدق مايصدقها حد ... قدم شالوني شور جدد
2: يقسم في كبدي تقسيم ... جديد يوصي فيه قديم
3: طير جديد الخاطر ناوي ... غير قديم ذراعي لاوي
4: ليش الدمعة إبكي دم ... على خطبة ناسك القدم
5: يالقديم نسيتك بكل ... خوذ الباب وراك إتوكل
6: كيف قديمي كيف جديدي ... متفقين على تشريدي
7: قديم اللي توة بظناه ...
عليك أيام خذيت إمعاه
8: على ثقلي لكن فزيت ... قديم دفنته وإفتكيت
9: يالقديم إنت في بالي ... إمغير الوقت إمبهدل حالي
10: يالقديم أسهر شي ليلة ... وقيس معاناتي كل ليلة
11: شايلها شايلها نارك ... يالقديم امجاور دارك
12: يالقديم العين أخطاها ... ماتربح من طول ابكاها
13: بعد نتصادف نا وياه ... قديم يقول الله الله
14: تربح يالقديم أخطاني ... تاخد سو اللي داواني
15: دز قديم يريد العودة ... قلناله مرحب بالجودة
16: دز قديم يريد العودة ... لكن مستحيل ردوده
17: بإذن الله يتم ردرده ... صوب قديم يريد العودة
18: نعبيهن الأنظار رديم ... كان التفتن شور قديم
19: قدم ماداروا فيا العيب ... العيب على بختي العطيب
20: اللي يالاي يقول قديم ... عليه نلف تقول يتيم
21: حقي يالقديم انريده ... كبد وعين وجوف جديدة
22: سموحك يالقديم معاك ... يسدن ذكريات غلاك
23: اللي مخليني قاعد حي ... قدم مازالوا يطرن في
24: الله يهدك يالنصيب ... اللي مابيت قديم تجيب
25: قديم مخلفلي وسواس ... عليه إندور بين الناس
26: صاحب صوب جديد لواني ... ويالقديم نسيتك راني
27: برين يالقديم جروحك ... ماتبكي غير على روحك
28: حملنا يالقديم بلاك ... لقينا غيرك ونسيناك
29: عزمي كان تريد الحق ... كي يطري القديم يرق
30: فيك أرمام ايش انديرلهن ... مازال قديم مشوكلهن
31: فرح يحساب قديم انموت ... جديد نشلني من التابوت
32: قديم دفني قبل الموت ... جديد رفعني من التابوت
33: لو مليون جديد يجيني ... ماصوب قديم ينسيني
34: ايامي عدن نا وقديم ... الدايم وجه الله الكريم
35: نموت وماهانوا القدم ... الله خالقني غير الهم
36: صغير عقلك يالجديد ... كان مكان قديم اتريد
37: صوب جديد أنظاري شدن ... يالقديم أيامك عدن
38: قديم بعد هذاك الحن ... نساني وأنظر حن لمن
39: قدم نمكر فيهم ونكيد ... احداهم داير صوب جديد
40: يالقديم نعوزك طيب ... درت جديد احداي قريب
41: يالقديم تعالى وبيب ... درت جديد الفرح قريب
42: غاب قديم الدنيا شانت ... ياما تسوى عندي كانت
43: يالقديم اليوم بهلنا ... تبكي تشكي ماتشغلنا
44: إنهديتي يانار قديم ... علينا والطفاي غشيم
‏45: شور جديد الخاطر عدا ... عرض فيه قديم ورده
‏46: اللي خلاني في تخميم ... مرض ماعندي غير قديم

....ثانيآ غناوي علم....
‏1: غلا قديم تكمي* نحلف عليه مازال واجعك
‏2: تساقط رماد وجمر* تميت نار مع نار القدم
‏3: حطيت عالقديم رديم* ومع الجديد نيراني والعة
‏4: ياريت من بكيت احذاه* يشهد معاي ويقول للقدم
‏5: سيورا ياقديم تجيك* ظليمة على يدين غيرنا
‏6: للدار مانريد سريب* بعد قديم نيتي طايرة
‏7: يوعالها تقيل النوم* بكيت العين فالليل عالقدم
‏8: ننها العين عالقديم* تقول في ظلالي خلني
‏9: حتى والفراق أقسام* اللوم عالقديمين دايره
‏10: الله الله لو ماحلم* مسمح قديم ياعين جيته
‏11: العين نومها ماطاب* هفوها قدم وينما غفت
‏12: كاره مداعي الصوب* لانريد قديمين ولا جدد
‏13: كذاب من يقول الجرح* بعد قديم داويته بري
‏14: تفسيره بقطع أقسام* منامي اللي جاب القدم
‏15: بلعاني طريت قديم* تكديرة العين نريدها

بارك الله فيك علي مواضيعك الرائعه والمعبرة تسلمي علي مجهودك

ღعضو مبدعღ لوني المفضل : مزاجي :

ثانكس ع الموضوع الحلوووووووو

يالقديم الله لا يردك.. كان امجافينا من جدك