نملتي الذهبيه

موضوع: نملتي الذهبيه الخميس أكتوبر 28, 2010 8:45 pm

كان يا مكان
في يوم من الايام كنت اسير واتدهور في البر والدنيا مليانه بشكاير اطير وحشرات والجو ضغط وظللت اسير واسير واسير نين عييت وقلقت وفجأة نظرت الي الاسفل وفنصت وهل تدري مادا وجدت لقيت نمله ذهبيه ايه اماله شنو نمله ذهبيه
وكنت اريد ان امسكها لكن الحشرات مقززات لكن صكرت دماغي نبيها ، جبت شكارة ومشيت بنشدها هربتــ قعدت نلهد في جرتها مثل اشبح شنو ؟؟؟؟
بعدين شديتها وروحت للحوش وماقلت لحد عليها قلتها توا اني بنربيكــ وبتسكني عندي ،،، وبعد فترة اخدت النمله وربطتــ خيط ضغير سلك يعني في وسطها وطلعت بندهور اني وياها ،،،
بعدين ولد جارنا الشرير شافني معاها ،، قالي جيبيها رفضت وقلتله امشي روح اعوذ بالله منك ،،،
قالي جيبيها خيرلك تو ...تو ...تو
قلتله تو شنو
سكت بعدين قعد يجبد في نملتي من ايدي ،،، واني نصرخ وانعيط لالالالالالالالا سيبها
بعدها هو يكر واني نكر هو يكر واني نكر قريب ساعه مسكينه صارلها تمدد في جسمها
بعد فجأة انقطعت رجلها ،، اني رعشت وثأترت مسكت الرجل وهو خدي النمله وهرب
وقلت لازمــ نرجع نملتي ،،، خليته نين رقد ومشيت لحوشهم وخديت نملتي وهربتــ بسرعة السلحفاة قصدي بسرعة رجليا كيف ماكانت اني نحساب روحي سريعه بس ماأظنش اكيد الاحداث جرت بسرعه نحساب روحي نجري بسرعه

المهم حطيت النمله في مكان واليوم اللي بعدها جيتها هو لقاني امشي هربت اني ونملتي
مسكني قالي طلعي اللي عندك
قلتله ماعندي شي
قالي اني قلتلك طلعي اللي عندك ،، اللي خديتيه من حوشنا
قلتله اااااااااااه المستكه كليتها وممضوغه تبيها نعطيهلك
بعدين جبد يدي وقعد يكر في النمله نفس البرنامج الاول يكر واني انكر يكر واني انكر انقطعت رجلها التانيه وبعدين يدها
بعدها قال معاش نبيها خلاص وهيا دارت روحها ميته قدامه
بعد مامشي الرزيل هدا جبت لصقة فلوس وقعدت انلصق في رجليها
مانفعش......
جبت لصقة لاميرة وقعدت انلصق وانلصق لصقتلها رجليها ويدها .....

ولكن نملتي لم تصمد كل هدا العذاب من الفتي العش الرزيل ،،، وبعد ساعتان توفتــ نملي العزيزة التي قد احببتها من اعماق يدي .......!
وهذه قصتي مع نملتي

اتمني تعجبك

ههههههههههههه حلوووووووه و ممتعه القصه أميرة __ مشكوره عالطرح المميز

ههههههه تسلم نايتو نورتنا بمرورك